ଓଡ଼ିଶା ବନ୍ଦ: ଅଟୋ ଚଳାଚଳ ବନ୍ଦ, ଘରୋଇ ବସ୍ ଗଡ଼ିବ; ଯାତ୍ରୀଙ୍କ ପାଇଁ ବଡ଼ ସୂଚନା

ଭୁବନେଶ୍ୱର: କାଲି ଓଡ଼ିଶା ବନ୍ଦ। ବନ୍ଦକୁ ନେଇ ରାଜ୍ୟରେ ଯାତାୟାତ ବ୍ୟବସ୍ଥାକୁ ନେଇ ଦ୍ୱନ୍ଦ୍ୱ ଦେଖାଦେଇଥିବା ବେଳେ ଅଟୋ ଓ ଘରୋଇ ବସ୍ ଚଳାଚଳକୁ ନେଇ ଦୁଇଟି ଭିନ୍ନ ନିଷ୍ପତ୍ତି ସାମ୍ନାକୁ ଆସିଛି।

ଓଡ଼ିଶା ବନ୍ଦ ସମୟରେ ଅଟୋ ଚଳାଚଳ ବନ୍ଦ ରହିବ। ଏନେଇ ଅଟୋ ଚାଳକ ସଂଘ ପକ୍ଷରୁ ସୂଚନା ଦିଆଯାଇଛି। ତେଣୁ ବନ୍ଦ ଦିନ ଅଟୋରେ ଯାତ୍ରୀ ପରିବହନ ହେବ ନାହିଁ।

ଅନ୍ୟପଟେ, ଘରୋଇ ବସ୍ ବନ୍ଦରେ ସାମିଲ ହେବ ନାହିଁ ବୋଲି ଘରୋଇ ବସ୍ ମାଲିକ ସଂଘ ସ୍ପଷ୍ଟ କରିଛି। ସଂଘ ସଭାପତି ଲୋକନାଥ ପାଣିଙ୍କ କହିବା ଅନୁଯାୟୀ, ବସ୍ ଏକ ଅତ୍ୟାବଶ୍ୟକ ଯାତ୍ରୀ ପରିବହନ ସେବା ହୋଇଥିବାରୁ ଏହା ବନ୍ଦରେ ସାମିଲ ହେବ ନାହିଁ।

ଫଳରେ କାଲି ଘରୋଇ ବସ୍ ଚଳାଚଳ ଜାରି ରହିବ ଏବଂ ଯାତ୍ରୀମାନେ ବସ୍ ସେବା ପାଇପାରିବେ। ତେବେ ବନ୍ଦ ସମୟରେ ବସ୍ ଚଳାଚଳ କରିବାକୁ ଥିବାରୁ ବସ୍ ଓ ଯାତ୍ରୀଙ୍କ ସୁରକ୍ଷା ପାଇଁ ଆବଶ୍ୟକ ସୁରକ୍ଷା ବ୍ୟବସ୍ଥା କରିବାକୁ ସରକାରଙ୍କୁ ବସ୍ ମାଲିକ ସଂଘ ଦାବି କରିଛି।

ଅର୍ଥାତ୍, କାଲି ଓଡ଼ିଶା ବନ୍ଦ ସମୟରେ ଅଟୋ ବନ୍ଦ ରହିବ, କିନ୍ତୁ ଘରୋଇ ବସ୍ ଚଳାଚଳ ଜାରି ରହିବ। ତେଣୁ ଯାତ୍ରା ପାଇଁ ବାହାରୁଥିବା ଲୋକେ ବସ୍ ସେବା ଉପରେ ନିର୍ଭର କରିପାରିବେ।