• Want to Promote Your Business? Advertise With Us Today! 📞 Call Now: +91-9337223204
  • kjnbfnbwejfbcojhbwvf
  • Want to Promote Your Business? Advertise With Us Today! 📞 Call Now: +91-9337223204
  • Want to Promote Your Business? Advertise With Us Today! 📞 Call Now: +91-9337223204
  • Want to Promote Your Business? Advertise With Us Today! 📞 Call Now: +91-9337223204
22 Nov 2026, Sun

ଓଡ଼ିଶା DGP ଚୟନକୁ ନେଇ SCରେ ତୀବ୍ର ଯୁକ୍ତିତର୍କ, ସୁଶାନ୍ତ ନାଥଙ୍କୁ ବାଦ ଦେବା ନେଇ ଉଠିଲା ପ୍ରଶ୍ନ

ଓଡ଼ିଶାର ପରବର୍ତ୍ତୀ ଡିଜିପି ଚୟନକୁ ନେଇ ସୁପ୍ରିମକୋର୍ଟରେ ମଙ୍ଗଳବାର ତୀବ୍ର ଯୁକ୍ତିତର୍କ ହୋଇଛି। ବରିଷ୍ଠ IPS ଅଧିକାରୀ ସୁଶାନ୍ତ କୁମାର ନାଥଙ୍କୁ ‘ଜୋନ୍ ଅଫ୍ କନ୍ସିଡରେସନ୍’ରୁ ବାଦ ଦିଆଯିବା, ତାଙ୍କ ଇଣ୍ଟେଗ୍ରିଟି ସାର୍ଟିଫିକେଟ୍ ଏବଂ ଡିଜିପି ଚୟନ ତାଲିକାରେ ପରବର୍ତ୍ତୀ ପରିବର୍ତ୍ତନକୁ ନେଇ ଶୁଣାଣିରେ ପ୍ରଶ୍ନ ଉଠିଛି।

ମୁଖ୍ୟ ବିଚାରପତି ସୂର୍ଯ୍ୟକାନ୍ତ, ବିଚାରପତି ଜୟମାଲ୍ୟ ବାଗଚୀ ଓ ବିଚାରପତି ଭି. ମୋହନାଙ୍କ ଖଣ୍ଡପୀଠ ମାମଲାର ଶୁଣାଣି କରିଛନ୍ତି। ଆବେଦନକାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ପି. ଚିଦମ୍ବରମ୍ ଦାବି କରିଛନ୍ତି ଯେ, ଡିଜିପି ଚୟନ ପାଇଁ UPSCର ଏମ୍ପାନେଲମେଣ୍ଟ ପ୍ରକ୍ରିୟାରେ ସୁଶାନ୍ତ ନାଥଙ୍କୁ ବାଦ ଦେବା ସମ୍ପର୍କରେ ପ୍ରଶ୍ନ ରହିଛି।

ନାଥଙ୍କ ପକ୍ଷରୁ ବରିଷ୍ଠ ଆଇନଜୀବୀ କରୁଣା ନୁନ୍ଦୀ ତାଙ୍କ ୩୨ ବର୍ଷର ସେବା ରେକର୍ଡ ଉଲ୍ଲେଖ କରି ଇଣ୍ଟେଗ୍ରିଟି ସାର୍ଟିଫିକେଟ୍ ଅଟକାଇବା କିମ୍ବା ପ୍ରତ୍ୟାହାର କରିବାର ଆଧାର ଉପରେ ପ୍ରଶ୍ନ ଉଠାଇଥିବା ରିପୋର୍ଟ ହୋଇଛି।

ଅନ୍ୟପକ୍ଷରେ, ଓଡ଼ିଶା ସରକାରଙ୍କ ପକ୍ଷରୁ ସଲିସିଟର ଜେନେରାଲ୍ ତୁଷାର ମେହତା ପକ୍ଷ ରଖିଥିଲେ। ଏପ୍ରିଲ ଓ ମେ’ରେ ପ୍ରସ୍ତୁତ ତାଲିକା, ଡିଜି ପାହ୍ୟାର ଅଧିକାରୀଙ୍କ ଉପଲବ୍ଧତା ଏବଂ ପରବର୍ତ୍ତୀ ପଦୋନ୍ନତି ପରେ ତାଲିକାରେ ହୋଇଥିବା ପରିବର୍ତ୍ତନ ନେଇ ଶୁଣାଣିରେ ଆଲୋଚନା ହୋଇଛି।

ଡିଜିପି ନିଯୁକ୍ତି ପ୍ରକ୍ରିୟାରେ ୨୦୦୬ ମସିହାର Prakash Singh ମାମଲାରେ ସୁପ୍ରିମକୋର୍ଟ ଦେଇଥିବା ନିର୍ଦ୍ଦେଶର ଗୁରୁତ୍ୱ ରହିଛି। ଏହି ମାମଲାରେ UPSC ମାଧ୍ୟମରେ ବରିଷ୍ଠ ଓ ଯୋଗ୍ୟ ଅଧିକାରୀଙ୍କ ପ୍ୟାନେଲ୍ ପ୍ରସ୍ତୁତି ସମ୍ପର୍କିତ ବ୍ୟବସ୍ଥା ରହିଛି।

ମଙ୍ଗଳବାର ଉଭୟ ପକ୍ଷର ଯୁକ୍ତି ଶୁଣିବା ପରେ ଖଣ୍ଡପୀଠ ମାମଲାର ପରବର୍ତ୍ତୀ ଶୁଣାଣି ବୁଧବାର ପାଇଁ ରଖିଛନ୍ତି। ତେଣୁ ଓଡ଼ିଶାର ପରବର୍ତ୍ତୀ ପୁଲିସ ଡିଜି ଚୟନ ପ୍ରକ୍ରିୟାରେ ଏହାର ପରବର୍ତ୍ତୀ ଶୁଣାଣି ଗୁରୁତ୍ୱପୂର୍ଣ୍ଣ ରହିବ।

Leave a Reply

Your email address will not be published. Required fields are marked *